ا كارما وأخواتها: عيد الام ..قصه مسخره..!!

الاثنين، 4 أبريل، 2011

عيد الام ..قصه مسخره..!!

( قبل عيد الأم بليله واحده..)


منظر خارجى..ليلى ..كورنيش النيل..بجوار أبو وائل بتاع البليله..

كيرا يمضغ حبيبات البليله الساخنه وكل ثانيه ينفخ الهواء الساخن من فمه وتبدو علامات السعاده الكبرى على وجهه..
وعلى النقيض.. حبيبته تحتوى طبق البليله الساخن بيديها ثم تضعه على حقيبتها.. بعدما استشعرت سخونته بيديها.. وتنظر لـ كيرا.. نظره مملؤها الاندهاش والضيق..


-انت مالك نازل تلهط فى البليله كده ولا لهط المساجين للحمه يوم الخميس..!!
-ايه بس يا حبيبتى.. انت مركزه معايا ليه وسايبه طبقك ..هيبرد..
- اه.. ماهو ده اللى انت فالح فيه .. اخرك البليله..!
يمر كهل عجوز من امامهم ولكنه-بكسمه-توقفه الكلمه الاخيره وينظر لـ كيرا بسخريه.. ويتابع طريقه وهو يتمتم بكلمات مبهمه لم يسمع منها الشاب غير كلمة فراخ وزاره وهرمونات!!

كيرا يضع طبق البليله غاضباً.. وينظر لحبيبته ويوبخها قائلاً:
- اه.. سيحيلنا بقى فى الشارع.. مكنش يوم ده اللى هتزلينى بيه.. ماقولتلك الواد بشندى العرص كان حاططلى حباية نيورازين 100 فى كباية الفراوله..فسيبت اعصابى..
ثم تعالى هنا يا بت.. فاكره اما هتريكت معاكى فى العشه اللى فوق السطوح عندينا لحد ما اترجتينى انى اوقف عشان جالك التهابات من كتر الحك..

ينظر ابو وائل بتاع البليله لهما نظره صارمه.. ويزغرهما بعينين ويحرك اصابع يديه بما معناه خلصو الطبقين وغوروا وافضحوا نفسيكم بعيد عن هنا..
فيهرعان بأستكمال اكل البليله.. ثم تتوقف حبيبة كيرا وتقول له..:

-اه افضحنى بقى قدام الخلق.. انجز عشان عايزه اروح..

ثم تنظر يمنة ويساراً.. تتبعها بتسهيمه وهى تنظر لأعلى .. ثم يبدو.. كأنها تذكرت شيئاً.. فتلتفت له قائله:

- كيرا؟.. اياك تكون ناسى اللى بفكر فيه...!!
-الصراحه مش مركز اصل البليله.. حلوه اوى..
-عيد الام بكره يا كيرا..
يتوقف كيرا عن المضغ.. وان كان لا يزال مستمرا بالضغط على اسنانه ويلتفت اليها قائلاً:
-فاكر.. ولو انى مش عارف ليه مصر الدوله المعرصه الوحيده اللى بتحتفل بعيد زى ده.. احنا ناقصين اعياد بكسمينا..
-راقب كلامك يا كيرا.. وانجز..جبت هديه لـ ماما ولا لسه؟
-اه طبعاً بس انا كنت مخليها مفاجئه لطانط يعنى.. فا مش هاقولك عليها..
-اوعى تكون ايشارب ب10جنيه زى المره اللى فاتت..دنتا جرستنى وسط البيت ووسط صحابى..
يرزع كيرا الطبق على الدكه بنرفزه واضحه.. فيتهشم قطع كبيره وصغيره ..
ويلتفت فى فزع الى ابو وائل بتاع البليله.. واللذى تناول شومه من اسفل العربه وطفق يضرب بها كفه بمنظره قائلاً:

-سته جنيه بليله و4 جنيه طبق.. ادفع وفارق يلا.. ومتورنيش وشك هنا تانى انت والكتكوته دى وابقوا قضوها هناك فى العشه..
كيرا يطلع من جيبه اخر عشره جنيه ويعطيها له مسرعاً.. ويأخذ بيد حبيبته ويهرول بها بعيداً
..



   
Cut

(يوم عيد الام)



منظر داخلى.. حجرة نوم كيرا..
الساعه تشير الى الثانيه ظهراً..والجو مظلم بالحجره.. ولا يظهر سوى نور متقطع لموبايل وصوت اهتزازى.. يستيقظ على اثره كيرا ويتناول الهاتف فى يده ونسمعه يتحدث فى الظلام....
-..الو.. معلش كنت نايم.. اصلى سهرت امبارح ع النت بعد ما قفلت معاكى.. حاضر.. هضرب لقمه ع السريع ووقتى هكون عندكم.. محشى؟.. ولحمه؟.. برضه هفطر عندنا!!..لأ جبتها منسيتهاش..بعد ما وصلتك امبارح ..يارب ..يعنى ساعه كده اتشطف والبس واجيلك.. وانتى اكتر.. وانا كمان.. باى يلاَ..
يغمغم بعدما يغلق المحادثه بصوت مسموع..
-احاا..وبعدين فى الورطه دى؟؟

Cut



منظر داخلى ..حجرة السفره فى منزل كيرا..


كيرا يتحدث مع شقيقه الاصغر وهو يتناول طبق البيض المقلى..
-ها.. جبت اللى طلبته منك امبارح؟..
-اه عندك فى المطبخ..
-يا حمار.. حاطه فى الحر..محطتهوش ليه فى البلكونه؟..
-ما العصافير ممكن تاكله..
يغمغم كيرا والطعام حشو فمه..
-ماشى ماشى.. حطيتلوا ميه بسكر؟..
-اه يا عم صدعتنى بأسئلتك..
-زيزو متكلمش امبارح؟؟..
-لاء هو كان ملخوم بالفردبتاع لالا.. ومش فاضلى للعربيه..
-اوعى يكون دبلان يا عرص..؟!
-لا والله ده صابح على ابوه.. خش شوفه..
-ماشى ماشى.. نادى انت بس لاختك وخليها تغلفه بفرخ الجلاد اللميع اللى اشتريته امبارح.. وخليها ترش عليه شوية برفان من بتاع ماما.. انصرف يلا..
يقوم شقيق كيرا وهو يهز رأسه فى سخريه على حال الخُطَّاب.. ويدخل المطبخ.. ويصدم.. عندما يجد شقيقته الصغرى واللتى لم تتجاوز الثلاث سنوات.. تمضغ شيئا ما .. فيهرع اليها ويتناوله منها وهو يتمتم فى يأس..
-كيرا هينكنى على ده وقتى..
وتبصر عيناه شيئاً فوق التلفاز فيتنهد فى راحه وهو يتمتم..
- الحمد لله .. اتحلت..


Cut

(ليلة عيد الام)



منظر خارجى..

كيرا يقف امام باب شقة ابتسام.. يهندم نفسه.. وييصفف شعره بمشط صغير.. ويتمتم ببضع آيات من القرآن الكريم ثم يضرب الجرس..
-أهلاً كيرا..ايه اللى أخرك..؟ دى بقى الساعه اللى قلت عليها..؟؟
-والله المواصلات زحمه يابوبس..وانا عقبال ما....
تقاطعه ابتسام..وهى تبحث بعينيها يمنة ويساراً..
-هى فين؟؟
-ايه دى ؟
-هدية ماما..!!
ثم تلمح بوكيه الورد فى يد كيرا فتنظر له فى صدمه.. ولا يسعفها عقلها بكلمات تناسب ما تود قوله.. فتترك كيرا وتدخل مهروله ساخطه..
كيرا يلتفت يمنة ويساراً.. ثم يدخل ويغلق الباب خلفه..


cut


منظر داخلى..


حجرة الصالون.. كيرا يجلس الى اليسار ..وفى المنتصف يجلس على الاريكه والد ابتسام وبيده جريده الاهرام- جريدة اصحاب المعاشات.. وبجواره الى اليمين حماة كيرا ترمقه بنظرة عدم ارتياح.. مشوبه بنظرة عدم ترحيب.. اما ابتسام فقد اختفت من الصوره جزئياً.. وبين كل حين ومين ..ينادى عليها والدها فلا يُسمع لها رد..
-منور يا كيرا يبنى..
-بنورك يا عمى..
-ايه ده انت صابعك متعور..؟؟
ينظر كيرا الى يديه..
- ده الحبر الفسفورى يا عمى..
-آه فسفورى..
وينظر الى ام ابتسام ويغمز لها غمزه ماكره.. فتتلاعب على شفاتيرها شبه ابتسامه ساخره.. وكيرا ينظر لكليهما ويردد فى سره" آل يعنى بكسمكم انا مش فاهم انتم قصدكم ايه ".. ثم يلتفت والد ابتسام اليه ويكمل..
-اه صحيح انا كنت ناسى..اخبارصحة الوالد والوالده ايه..؟؟ يابتساااااااااااااام...
-احم.. الحمد لله يا عمى..تمام الاتنين..بس المراره تعبه ابويا شويه والضغط مطلع عينه.. والسكر قارف امى..
-اكيد انت واخواتك السبب..قطيعه فى خلفة الصبيان....!
- ليه بس يا طانط.. دى الحاجات دى بتاعت ربنا..
- ياخويا.. انا مش عافه الجيل بتاعكم ده طالع شيطانى لمين.؟ متجيش فره تاخدكم كلكم تريح اهاليكم منكم..؟
-ماهو يا طانط..كل واحـــ
-يا ابتساااااااااااام
ينادى والد ابتسام بصوت حميرى مزعج ...قريب جداً من صوت الممثل الحنجره.. يوسف داوود
-بقول.. ان كل واحد حسب تربيته لولاده برده.. عندك بنتك.. ابتسام..
-مالها ياخويا ابتسام؟
-انسانه محترمه ومتربيه وعلى خلق.. بفضل تربيتك طبعاً..

تشطح حماة كيرا بنظرها عنه فى علياء..ويزجرها كيرا بنظره ملؤها السخط والرغبه فى لكمها بشده فى وجهها الحيزبونى.. بيد انه يتذكر شيئاً قد يحرق دمها به..
-اه .. نسيت اهنيكى يا حماتى بعيد الام..كل سنه وانت ام.. وبهديلك الهديه البسيطه دى..
- وايه ده ان شاء الله..؟؟!
- ورد يا طانط.. لأرق واحب حما فى الدنيا عندى...
كيرا يشعر بتمدد فى خصيته اليمنى بعد قول الجمله اعلاه.. يقابله نظره سخريه من حماته وهى تهتف:
-ليه فاكرنى حشره يا معدوم النظر..
-حشره؟!
وتهب ام ابتسام منصرفه فى تزمر واضح من الجلسه بأكملها
-حشره..!!
يكررها كيرا بصيغة تأكيد.. وعندما ينتبه الى والد ابتسام.. يرفع حاجبيه بدهشه.. جاعلاً كلمته تبدو كأستفهام مشوب بدهشه..
-ههههه.. متاخدش فى بالك يا كيرا يابنى.. هما الحريم كده عقلهم مهوى.. يابتسااااااااااااام.. اصلها من ساعت متفرجت عل الفيلم الاجنبى بتاع امبارح.. وهى متقمصه دور البطله.. اصل البطله... يبتساااااااااام.. البطله لما حبيبها ادالها ورده قالتله الكلمه دى...
كيرا يشعر بتمدد فى قضيبه..
-وهى البطله قالتله كده ليه اصلاً يا عمى؟
- يعنى .. تقصد ان الزهور دى موجوده فى الاساس لجذب الحشرات.. عشان تتم عملية التلقيح..يبتساااااااااااام...
-آه..بقى كده.. هى ابتسام ماتت ولا ايه يا عمى..؟؟!!

تدخل ابتسام وعليها علامات الاعياء..
-ايه يا بنتى كنت عامله بيات شتوى ولا ايه؟ومالك كده شبه الزومبى؟
-انت بالذات ملكش كلام معايا انا بقولك اهو..
-طب بس انا مزعلك فى ايه؟
-بقول اسيبكم براحتكم شويه..
ينهض حمى كيرا وينصرف من الحجره.. وتلتفت ابتسام الى كيرا غاضبه..
-كده تحرجنى تانى مره قدام ماما..!-تنظر للورد- وايه حزمة الفجل اللى انت جايبها دى..؟؟!! لقيها فى انهى زباله..؟؟ وايه ده..؟! أحيى عليا ..ورد بلاستيك كمان؟؟!!
نظر كيرا الى الورد بدهشه ..فوجده محتوى على اعواد ورد بلاستيكيه.. شبيهه بالتى يراها فى منزله فى الفازه اعلى تربيزة التلفاز..
-آه يا عرص..!!!
يغمغم كيرا بحنق.. وهو يتخيل عنق اخيه بين يديه وهو يعصرها بقسوه مثلما يفعل هومر سيمبسون مع بارت .. غير عالم ان اخيه هو من قام بخلط الورد الجورى والبوليانسز.. بورد بلاستيك.. بعدما اكلت اخته الصغيره بعضه.. وخشى من غضبته..فلم يجد حلاً سوى هذا.. ثم يستطرد كيرا بظرف..
-زباله.. والله مامتك هى اللى طلعت زباله.. بقى فى حد يتبغدد ع الورد يا عالم يا فقر.. والورد البلاستيك ده بقى لعلمك تمويه.. عشان النحل والحشرات-ونطق كلمة الحشرات بصوت عالى ..املاً ان تسمعها حماته-المهم سيبك انتى.. فين المحشى عشان انا واقع..
-اه ماهو ده اللى انت فالح فيه.. بليله ومحشى..!!
- احا.. متفكك من الحوار البايت ده بقى..
كيرا يقترب من ابتسام..
-بقولك ايه يا بت.. ماتجيبى اطه قبل مامك تيجى..
-مش هينفع.. انا مزمقه وتعبانه...
-احا.. عندك ايه يعنى؟..منتى كنتى زى الفرسه من شويه..!!
-دا من ساعت منتا جيت.. وانا فى الحمام عشان كان عندى اسهال من السمين اللى كلته.. وكمان الاشاره حمرا من يومين..
كيرا ينظر لها بقرف يفشل فى اخفائه ..ويتزحزح بضع سنتيمترات عنها لا ارادياً..
-ها اجهزلك الغدى؟
- لا مليش نفس.. افتكرت انى واكل ف البيت من شويه ..كنت بعلقك بس.. ثم تعالى هنا يا بت.. ايه البوهيه اللى ضارباها فى وشك دى-نسيت اسئلك-ومخلياكى شبه الجوكر فى فيلم باتمان..؟؟
-بوهيه..؟ بس يا فلاح..دا بلاشر وكونسيلر..ثم انت اصلاً ايش فهمك فى الحاجات الحريمى دى؟..
-حريمى... الصراحه اضحكتينى.. فزى يا بت اغسلى وشك يلا بلاش هبل..
-طيب.. انا اصلاً اللى غلطانه انى بتزوقلك.. اما اقوم.. اصلى برضه عايزه اخش الحمام..
كيرا يتحسس دبلة الخطوبه لا شعورياً..!!

تذهب ابتسام ويجلس كيرا بمفرده فى الحجره..ينظر فى قرف الى برواز صوره معلق على الحائط المقابل له.. يجمع ابو ابتسام -مرتدياً بدلة سوداء- وامها -مرتدية فستان فرح ابيض- معا..بادى على وجهيهما الكآبه.. وما هى الا لحظات.. ودخلت ابتسام مسرعه ..
- قوم بينا يا معفور ننزل نلف فى الشوارع احسن..
-احا ليه يعنى..؟؟
-الواد خطيب فاتن اختى.. اتصل وجاى دلوقتى..
-زبى عليه.. اعمله ايه يعنى..؟؟
-فاتن يا ياموكوس لما سئلته ع الهديه اللى جايبها معاه لماما .. قالها انه جايبلها ازازة نارسيسو..
- احا ..هى امك عيانه ولا ايه؟
-ده برفان غالى يا جاهل..ومش كده وبس.. ده جايبلها قطه شيرازى معاه.. شوف الناس اللى بتحس..
-احا ده عيل سيس.. وعايز يكسر عين اختك بالهدايا دى وبس.. انما احنا رجاله اوى .. وكفائه اوى.. ويلا بينا من هنا قبل ما تتفقع مرارتى منكم..
-طب هتعزمنى بره على ايه؟؟
-احا انت فى ايه ولا ايه.. انا الاول هجيبلك شريط ستريبتوكين من اول صيدليه.. تسفيه.. وهعمل بنصيحة واحد صاحبى النهارده... هعزمك على ترمس من عند ابو اميره..!!

 
ابتسام تنظر له بأبتسام.. وتتناول بوكيه الورد الدبلان.. وتهوى به على رأس كيرا البضان...


cut
And
Finish

هناك تعليق واحد: